БАТКЕН. Баткен облусунун губернатору менен тажик чекарачыларынын ортосундагы окуядан кийин Тажикстандын Сурх чек ара көзөмөлдөө тобу мурдагыга караганда күчөтүлгөн режимге өткөрүлдү. Мунун себебин тажик күч структурасы Кыргызстан тарапка түшүндүрө элек. Бул тууралуу Баткен ички иштер башкармалыгынан 16-январь күнү "Азаттыка" маалымдашты. Ал эми чек арадан өтүшкөн жергиликтүү жүргүнчүлөрдүн, такси айдоочулардын айтымында, тажик чекарачылары ар бир жүргүнчүнү каттоодон өткөрүп тыкыр текшерүүнү баштаган. (SA)
