ОШ. Ош шаарында “Хизб-ут Тахрир” уюмунун лидерлеринин бири мыйзамсыз курал сактагандыгы, экстремисттик мазмундагы үгүт баракчаларын таркаткандыгы жана экстремисттик мүнөздөгү уюмдун бөлүмдөрүн түзүп жетектеп келгендиги үчүн айыпталып кармалды. Ош шаардык ички иштер башкармасынын пресс кызматынын жетекчиси Замирбек Сыдыков кармалган адамдын үйүн тинтүү учурунда 16-калибрдеги атуучу курал, ок-дарылар, конституциялык түзүмдү жок кылууга чакырган баракчалар жана аудио, видео кассеталар табылгандыгын билдирди. “Хизб-ут Тахрир” уюмунун жергиликтүү лидерине карата учурда кылмыш жаза кодексинин эки беренеси боюнча кылмыш иши козголууда. (KJ)
