Президент Александр Лукашенко Евробиримдикте төрагалык кылып жаткан Германияны Беларуска көбүрөөк көңүл бурууга чакырды. Келечекте Германия же Швециянын деңгээлине жетүү үчүн Беларус элпек окуучу болууга даяр деп билдирди Германияда чыгуучу “Вельт” гезитине берген интервьюсунда президент Лукашенко. Анын пикиринде Батышта Беларус президенти тууралуу туура эмес пикир түзүлүп калган. Минск менен ачык диалог баштоо үчүн биринчи кадамды Европа жасашы керек деп кошумчалады Александр Лукашенко.
