Чегара кызматынын төрагасы Закир Тиленов берген маалымат боюнча жакында кыргыз-тажик жана кыргыз-өзбек чегараларында жаңы өткөрүү түйүндөрү ачылат. Тажикстан менен чектешкен Баткен облусунда “Акжол”, ал эми Өзбекстан менен чектешкен Ош облусунда ачылуучу “Карасуу” деп аталган эки өткөрүү түйүнү Еврокомиссиянын жардамы менен курулуп жатат. Бул түйүндөрдү курууга Еврокомиссия 800 миңден ашуун евро бөлүп берген.
