МОСКВА. Россия Дүйнөлүк соода уюмунун мүчөлөрү менен эки тараптуу сүйлөшүүлөрдү аяктады.Бул жөнүндө Россиянын экномикалык өнүгүү жана соода министри Герман Греф билдирди. Анын айтымында Москва ушул жылдын соңуна чейин дүйнөлүк соода уюмуна кирүүгө байланыштуу баардык процедуралык маселелерди чечет. Бирок Москва Грузия менен сүйлөшүүсү керек, Грузия Россиянын бул уюмга кирүүсүнө каршы чыгып, бир катар шарттарды койууда. Уюмга кирүү үчүн талапкер өлкөлөр баардык мүчө мамлекеттердин макулдугун алуулары керек.
