Депутаттар Азим Исабековдон ХИПК маселеси боюнча кандай позицияда экендигин сурашты. Премьер-министр кызматына талапкер бул маселени адегенде Өкмөт жыйынында карап, андан кийин парламент депутаттары менен акылдашып кеңешип чече турган иш экенин белгиледи. Бишкекте өлкөнүн ХИПК программасына киришине каршы чыгып аткан бир катар атуулдук уюмдар эгер Азим Исабеков ХИПКтен баш тартпай турган ойдо болсо, анын талапкерлигин четке кагуу керек деп депуттарга кайрылып жатышкан болчу. (KCh)
