Баткен облустук администрациянын коргоо жана коопсуздук бөлүмүнүн башчысы Таштемир Эшалиевдин бүгүнкү билдирүүсүнө караганда, жер титирөөнүн очогу Баткен шаарынын түштүк-батышында 30 чакырым алыстыкта жайгашкан Катрантоо аймагында орун алып, ал жерде силкинүүнүн күчү 5 баллга жеткен. Оперативдик топтор үч багытта Зардалы, Аксай жана Катрантоо айыл өкмөтүн карай жөнөп кетти. Өзгөчө кырдаалдар министрлигинин кабарлоосуна караганда, жер титирөөдөн жаңы кыйроолор болгон эмес. Бирок 8-январдагы зилзаладан жарака кеткен имарат, үйлөргө зыян келтириш ыктымалдыгы текшерилүүдө. (AiT)
