ИСЛАМАБАД. Пакистандын президенти Первез Мушараф Пакистан - Ооган чек арасынын 35 километр тилкесин тосмолоп сала турганын билдирди. Куралдуу согушкер топтордун ары - бери өтүүсүнө бөгөт койуучу тосмону бир нече айдын ичинде орнотсо болот, деди президент. Мушарраф ошондой эле талибдердин Ооганстанда баштаган чабуулдарын айрым пакистандык коопсуздук күчтөрү этибарга албай койгонун сынга алды.
