Аталган партиянын Ош облустук координатору Керим Макеевдин “Азаттыкка” билдиргени боюнча курултайда партия төрагасынын отчету угулуп, партиянын уставына өзгөртүү-толуктоолорду киргизүү, өлкөдөгү саясий кырдаал тууралуу жана башка маселелер талкууга алынмакчы. Курултайга Кыргызстандын бардык аймактарынан келген 220 делегат катышаары күтүлүүдө. “Жаңы Кыргызстан” партиясы жүз миңден ашуун мүчөсү менен өлкөдөгү ири саясий партиялардын бири болуп саналат.
