Баткендин Акөтөк айылына жакын чек араны бойлой күзөткө чыккан өзбек чек арачылары кийинки учурларда Кыргызстандын аймагына дейре кирип келип, жергиликтүү калктан бул жердеги талаага чыкпасын, мал бакпасын талап кылууда. Жергиликтүү тургундардын бул тууралуу кайрылууларынан улам кечээ облустук бийликтин жана күч структураларынын өкүлдөрүнөн турган топ эл менен жолугушуп, маселени жеринде иликтеп келди. Облус борборунда бүгүн тиешелүү адистердин катышуусунда бул маселени талкуулаган жыйын өтөт. (SM)
