МОСКВА. Россия менен Грузия өз ара унаа каттамдарын калыбына келтирүү тууралуу сүйлөшүүлөрүн улантып жатышат. Россиянын унаа министрлигинин жооптуу кызматкери Геннадий Лошхынов эки тарап эки ортодогу маселелерди чечүү үчүн атайын жумушчу топ түзүүнү чечкенин билдирди. Эки ортодогу шпиондор чатагынан улам Россия өткөн октябрда Грузиядагы элчисин чакырып алып, республика менен ич ара унаа каттамдарын токтотуп, Россияда жашаган грузиялык мигранттарды катуу кысмактай баштаган.
