БАГДАД. Иран Багдаддагы элчилигинин экинчи катчысы Жалал Шафарини бирөөлөр уурдап кеткенин ырастады. Окуя жекшемби төртүнчү февралда болгон. "Ирна" кабар агенттигинин Ирандын тышкы иштер министрлигинин өкүлүнө шилтеме берип маалымдашынча, Иран бул иштин артында АКШ аскерлери турганын жана дипломаттын өмүрү үчүн жоопкерчилик ошолордун мойнунда боло турганын билдирди. Ал эми АКШнын Ирактагы аскерлери бул ишке эч кандай тийешеси жок экенин айтып жатышат.
