Кыргызстанды сактоо патриоттук кыймылы, «Канжар» жаштар кыймылы, «Эр айдоочу” уюму түзгөн бул комитет мыйзам чегинде нааразылык чараларын уюштурууга камданып жатат. «Эр айдоочу» уюмунун лидери Качкын Булатовдун айтымында, коомчулук Суваналиевдин кызматтан кетиши уюшкан кылмышкерлердин кайрадан баш көтөрүшүн шарттайт деп тынчсызданууда. Президент Курманбек Бакиевдин жардыгына ылайык ал ээлеген кызматынан 6-январда бошотулду. Өмүрбек Суваналиев өткөн жылы 6-ноябрда ички иштер министринин милдетин аткаруучу болуп дайындалган. (BuS)
