Жогорку Кеңештин депутаты Кадырыжан Батыров «Мамлекеттик тил жөнүндөгү» мыйзамга өзгөртүү киргизүү жөнүндө долбоорду иштеп чыгып, комитеттин кароосунан өткөрдү. Долбоордо Кыргызстандагы бардык калктардын тилдеринин бирдей укукта болушуна кепилдик берүү каралган. Депутаттын «Азаттыкка» билдиргенине караганда, бул жобо өлкөдөгү башка улуттардын расмий бийликке, күч бийлигине, сотко өз тилинде кайрылышын шарттайт. Былтыр Кадыржан Батыров баштаган демилгечилер өзбек тилине расмий макам берүү демилгеси менен чыккан. Президент Бакиев муну орунсуз деп, депутатка бул маселени көтөрүүнү токтотууну сунуштаган. (BuS)
