Сейсмология институтунун директору Канатбек Абдрахматовдун ырасташынча, 2007-2008-жылдары Кыргызстан аймагында, анын ичинде Ош, Чүй, Нарын, Ысыккөл дубандарында жер титирөөлөрдүн болушу күтүлүүдө. Анын айтымында дүйнөдө бир дагы адис жер титирөөнүн так убактысын айтууга жетише элек. Ошол себептүү кыргызстандыктар бардык убакта жер силкинүүлөргө даяр болушу зарыл. “Эч нерседен кабары жок урандылардын алдында калгыча, зилзала болуп кетерин билип, тынчсызданып, бирок, тирүү калган жакшы”, - дейт Абдрахматов.(IJz)
