Ооганстандан Совет биримдигинин аскерлеринин чыгарылышынын 18 жылдыгына карата Бишкек мэриясы бүгүн жоокер-интернационалисттерге акчалай сыйлыктарды берди. Ооган согушунун ардгерлер кыймылынын башчысы Абдыгул Чотбаев айрым ардагер жоокерлерге “Адамдык ар намысты коргоо эл аралык лигасынын” президенти Валентин Варенниковдун атынан эстелик медалын тапшырды. Өспүрүмдөрдүн “Сейтек” маданий борборунда тогуз жүзгө чукул жоокер-интернационалисттерге шаардын маданият башкармалыгы майрамдык концерт тартуулады. (AJ)
