АКШнын президенти Жорж Буш Ооганстандагы америкалык аскердин санын үч миң эки жүзгө көбөйтө тургандыгын билдирди. Вашингтондо сүйлөгөн сөзүндө Буш Конгресстен кийинки эки жылга Ооганстанга жардам көрсөтүү максатында он бир миллиард сегиз миллион доллар сураарын айтты. НАТОго кирген өлкөлөр Ооганстандагы талибдердин күтүлүп жаткан жазгы чабуулун алдын-алуу үчүн кошумча аскер күчтөрү менен камсыз кылышы керек деп кошумчалады Буш.
