Буга негизгинен акыркы жылдар ичинде атайын орто жана жогорку билимдүү медицина кызматкерлеринин Орусия менен Казакстанга көп кете баштаганы себеп болуп жатат. Саламаттыкты сактоо министрлигинен маалымдашкандай, өткөн жылы эле 138 врач Кыргызстандан тышкары иштегени кетишкен. Дарыгерлер айлык акынын аздыгынан, турак-жай алууга мүмкүнчүлүк жоктугунан, кээ бир алыскы аймактарда инфраструктуранын жетишсизигинен жана башка социалдык жеңилдиктердин жоктугунан улам кетип жатышат деп жазат маалымат кызматы. Медицина кызматкерлери айрыкча Баткен, Ош, Ысыккөл, Жалалабат жана Нарын облустарынын алыскы аймактарында жетишсиз.
