ТАЛАС. Талас районуна караштуу Бекмолдо айылынын 300гө жакын тургуну бүгүн 3 боз үй тигип, кенге кетүүчү жолду тосушту. Алар “Жерүй алтын компаниясы жумушчулардын 70 пайызын жергиликтүү жашоочулардан алсын”, “2009 жылы облуска берилүүчү үч млн АКШ доллары жакын арада берилсин” жана “Бекмолдо айылына 1 млн доллар которулсун” деп талап кылышууда. Ал эми Жерүй алтын компаниясынын өкүлдөрү өз кезегинде бул акция айрым адамдар тарабынан атайын уюштурулуп жатат деп билдиришти.(UA)
