Мыйзамга ылайык, өз алдынча курулуп жаткан үйдүн долбоору мамлекеттик кароодон өтүүгө тийиш. Архитектура жана курулуш боюнча мамлекеттик агенттиктин жетекчиси Ишенбай Кадырбековдун “Азаттыкка” билдиргенине караганда, бул мыйзам аткарылбай, үйлөр өзүм билемдик ыкмасы менен курулууда. Аталган агенттик жүргүзгөн текшерүүгө ылайык, жаңыдан курулган көп кабаттуу 40 үй сейсмикалык жактан туруктуу эмес деп табылып, 15 курулуш фирмасы куруу иштерин жүргүзүүгө лицензиясыз иштеп жатканы белгилүү болду.
