Бирок кыймыл жеке саясатчыларга тандоо укугун берет. Реформачылардын бүгүн чогулган штабы ушундай чечим кабыл алды. Бул тууралуу «Азаттыкка» депутаттар Темир Сариев, Азимбек Бекназаров, Кабай Карабеков билдиришти. Маселен, депутат Бекназаров «Бириккен фронт» кан төгүүлөргө алып бара турган радикалдуу максаттарды алдыга коюп жатат дейт. Буга чейин «Кыргызстандын татыктуу келечеги» деп аталган бириккен фронт түзүлгөнү кабарланган. Таратылган билдирүүдө чыныгы Конституциялык реформа жүргүзүү, аны чукул президенттик шайлоо өткөрүүдөн баштоо максаттары белгиленген. (BuS)
