«Эмгек жана Биримдик» партиясынын саясий кеңеши бүгүн Отузадыр шайлоо округунан Жаныш Бакиевдин талапкерлигин көрсөтүү маселесин карашы күтүлүүдө. Улуттук коопсуздук кызматынын башчысынын биринчи орун басары болуп иштеп келген президенттин бир тууганы Жаныш Бакиев былтыр Өмүрбек Текебаевге байланышкан «матрешка» чатагынан соң кызматтан бошогон. Ал эми Кемин райондук аялдар комитети бул округдан Бермет Акаеванын талапкерлигин көрсөтүүгө ниеттенүүдө. Аталган эки округда шайлоо 29-апрелге белгиленген.(SM)
8:42 Эки округдагы парламенттик шайлоодо Жаныш Бакиев менен Бермет Акаева да ат салышуусу ыктымал
