Кечээ кечке жуук аталган кыймыл Бишкекте баш кеңсесин ачкан соң, жабык жыйында кыймылдын мүчөлөрү мындан аркы иш аракеттерин талкуулашты. Кыймылдын мүчөлөрүнүн бири Мукар Чолпонбаевдин «Азаттыкка» билдиргенине караганда, анда кыймылдын жер-жерлердеги штабдарынын ишин жандандыруу сыяктуу уюштуруу маселелери талкууланып, кыймыл чыныгы конституциялык реформаны ишке ашыруу үчүн мөөнөтүнөн мурда президенттик шайлоо өткөрүү талабынан кайтпастыгы белгиленген. (SM)
