Чечен парламенти кечээ күнү Рамзан Кадыровду жумурияттын президенти кылып бекитти. Мурдагы президент Алу Алханов кызматынан 15-февралда чегинген жана 1-мартта Орусия Федерациясынын президенти Владимир Путин президенттикке Кадыровду көрсөткөн. Кадыровдун атасы Ахмат Кадыров дагы чечен президенти болгон жана ал 2004-жылдын 9-май күнү өлтүрүлгөн. Чечен конституциясы боюнча, отузга чыккан гана адам президент боло алат, Рамзан отузга былтыр октябрда толгон.
