Ирактын ички иштер министрлигинин айтымында, "ал-Каида" менен байланышкан террордук уюм коопсуздук кызматынын 18 офицерин барымтага алып кеткенден кийин, кечээ күнү алардын он төртүнүн денелери Диала провинциясында табылды. Аларды өлтүргөн уюм интернет аркылуу кабар таратып, бир сунни аялды полициячы зордуктап кеткен үчүн алар өч алган. Багдад шаарынын Садр Сити деген аймагында болсо кечээ күнү бомба жарылгандан 10 адам набыт кетти.
