Өткөн түнү 30 чакты чымыр денелүү жигиттер “Азамат” базарына таандык автоунаалар токтоочу жайды басып алып, айдоочулардан 80 сомдон ижара акы чогултушкан. Алар мындай ишти Сокулук райондук акимчилигинин буйругу менен аткарып жатышканын билдиришкен. Бирок сурай келгенде алардан бир да расмий кубөлүк табылган эмес. Бул тууралуу “Азамат” автобазарынын ээсинин кызы Эльвира Сурабалдиева билдирди. “Азамат” автобазары маркум депутат Жыргалбек Сурабалдиевге таандык эле. Ал киши колдуу болуп каза тапкандан тарта автобазарга маркумдун жубайы ээлик кылууда. (JTo)
