Иракта күрттөргө каршы геноцид болгон эмес жана 1988-жылы Халабжа шаарында жайкын тургундарга карата химиялык курал колдонгондугу үчүн Иран жооптуу деп билдирди Ирактын мурдагы вице-премьер-министри Тарик Азиз. Ал Ирактын мурдагы президенти Саддам Хусейндин алты жардамчысынын үстүнөн өтүп жаткан сот иши боюнча күбө катары чакырылган. Халабжадагы кандуу окуялар учурунда беш миң жайкын тургун курман болгон.
