“Эркиндик” партиясынын төрагасы Топчубек Тургуналиев бүгүн “Азаттыкка” берген интервьюсунда ушундай деп билдирди. Анын ырасташынча, Өзгөчө кырдаалдар министри Жаныш Рүстөмбековдун үстүндө он бештен ашык кылмыш иши болгонуна, сегиздей кылмыш иши Башкы прокуратурада жатканына карабай бийик кызматта отурат. “Азыркы өкмөттө таза иштеген жетекчилер аз эле. Мен муну асмандан алган жокмун, Баш прокурордун өзү менен сүйлөштүм”,- дейт Топчубек Тургуналиев. (IJz)
