ИИМдин басма сөз кызматы таркаткан маалыматка караганда, Кытайдын коомдук коопсуздук министрлиги жиберген гуманитардык жардамдын наркы 32100 АКШ долларын түзөт. Анын ичинде компьютердик техника, видеокамералар жана ок өтпөгөн шлемдор, коргоочу кийимдер, түнкү кароол приборлору сыяктуу массалык тополоң учурунда колдонулуучу атайын каражаттар бар. Кыргызстан менен Кытай эл аралык терроризмге, сепаратизмге жана диний экстремизмге каршы күрөш жүргүзүү боюнча кызматташууну жолго коюшкан. Кытай гуманитардык жардамды ушул кызматташуунун шарттарына ылайык жөнөтүп жатат. (KCh)
