ТОКИО. Япониянын Ишикава провинциясында болгон жер титирөөдөн бери дегенде бир киши курман болуп, 160тан ашык киши жаракат алды. Кээ бир адамдардын абалы оор. Күчү Рихтер чен өлчөмү боюнча 7 даражага жеткен силкинүү Япон деңизинде Хонсю аралынан 11 чакырым жерде болгон. Жер титирөө жергиликтүү саат боюнча 9:42де болду. Адегенде бийлик Цунами коркунучу жөнүндө эскертишкен эле, бирок топон суу болгон жок. Жер титирөөдөн көптөгөн үйлөр кыйрап калды.
