Депутаттар пенсияга чыгуу мөөнөтүн эркектерге 60 жаш, аялдарга 55 жаш болсун деген мыйзамды өткөн жылы кабыл алышкан. Бирок президент тарабынан ал мыйзамга вето коюлган эле. 26-мартта депутаттар президент каршы пикир билдирген мыйзамдарды кароо учурунда 62 добуш менен президенттин ветосун жокко чыгарышты. Буга чейин Кыргызстанда эркектер пенсияга 63 жашта, аялдар 58 жашта пенсияга чыгуу укугуна ээ болуп келген. Өкмөт бул мыйзамды аткаруу Социалдык фонд үчүн кыйынчылыкка тураарын билдирүүдө. (AiT)
