Ырасмий Лондон Британ өкмөтүнүн өкүлдөрү Ирандын Жогорку улуттук коопсуздук кеңешинин катчысы Али Ларижани менен жолукканын билдирди. Эки тарап тең чатактын тезинен чечилишине кызыкдар экени айкын болду. Иран 15 британ деңизчиси анын аймагына суу аркылуу мыйзамсыз өтүп кеткени үчүн кармалганын айтып келет. Британия кармалган учурда аскерлер Ирактын аймагында болгон деген пикирде.
