Түз байланыш гезиттин редакциясы тарабынан уюштурулуп, эки сааттан ашык убакытта президент 36 кишинин суроолоруна жооп берүүгө үлгүргөн. Президент конституциялык реформа, МТРКны коомдук телекөрсөтүүгө айлантуу боюнча көрүлүп жаткан чараларды белгилеп, оппозиция конституциялык реформа үчүн жумушчу топко өз өкүлдөрүн жибербегинин, коалициялык өкмөткө келүү сунуштарын жоопсуз калтырганын билдирген. Бириккен фронттун талаптары конституцияга каршы келет деген президент, бийлик эч кандай мыйзам бузууларга, тартипсиздиктерге жол бербесин байланышка чыккан жарандардын суроолоруна берген жообунда билдирген. (AiT)
