6-апрелде Орус драма театрында окуучулар жана студенттер арасында өткөрүлгөн театралдык сынактын жыйынтыктары белгилүү болду. Баш байге—он беш күнгө Францияга жолдомону И.Арабаев атындагы Кыргыз мамлекеттик педагогикалык университетинин студенти Айжан Отиленова жана "Француз альянсынын" угуучусу Кубанычбек Чолпонбаев утуп алды. Франкофония жумалыгынын алкагында өткөрүлгөн сынакта бир нече ЖОЖдун студенттери жана мектеп окуучулары француз авторлорунун чыгармалары боюнча театралдашкан оюн көрсөтүштү. (ZMa)
