Бул тууралуу Дүйнөлүк Банктын Кыргызстандагы өкүлү Рожер Робинсон каржы министри Акылбек Жапаров менен болгон жолугушууда билдирди. Анын айтуусунда эмки жумада Кыргызстанды өнүктүрүү боюнча донор-өнөктөштөр Швейцариянын Цюрих шаарында жолугушмакчы. Ошондой эле Дүйнөлүк Банктын Кыргызстандагы өкүлү үстүбүздөгү жылы май айында Бишкекте Кыргызстанга колдоо көрсөтүп келген эл аралык донорлордун кеңешме жолугушуусу болорун да билдирип, анда 2007-2010-жылдары Кыргызстанга көрсөтүлүүчү жардамдын Бирдиктүү стратегиясы иштелип чыгарын кабарлады.