Кыргызстандын Тажикстан жана Өзбекстан менен чектешкен тилкелериндеги чегараны кайтаруу күчөтүлүп, чегарачылар күчөтүлгөн кызмат абалына өтүштү. Мындан тышкары мамлекеттик өзгөчө кайтаруудагы объектилерде, эл көп топтолгон жайларда жана Оштун аба дарбазасында коопсуздук чаралары күчөтүлдү. Мындай маалымат Ош чегара отрядынын жана шаардык ички иштер башкармалыгынын штабдарынан алынды.(KJ)
