«Келечеги кең Кыргызстан үчүн» бириккен фронтунун лидери Феликс Кулов учурда Бишкек шаарындагы фронттун борбордук штабында маалымат жыйынын берип жатат. Ал өз сөзүндө кечээки өкмөт үйүнүн адында болуп өткөн жаңжалды бийлик уюштурган чагым катары баалап, эми бириккен фронт жаңы талап менен чыга тургандыгын билдирди. Анын ырасташынча чагым уюштуруп, ич ара кагылышуу чыгып кетүүcүнө шарт түзүп жаткан президент токтоосуз түрдө кызматынан кетиши керек. Ошондой эле ал бул талаптар аткарылмайынча митинг токтотулбасын баса белгиледи. (IJz)
