Ачкачылык акциясына катышкан адамдын милиция абагында өлгөн себептерин иликтөө үчүн 16-апрелде Нарынга барган Жогорку Кеңеш депутаты Карганбек Самаков соттук медициналык экспертизанын тыянагы Бектемир Акуновдун бийликтегилердин курмандыгы болгонун көрсөтүп турат деп билдирди «Азаттыкка». Депутат ошондой эле Б. Акуновдун окуясы боюнча парламентте да комиссия түздүрүп, акыр-аягына чейин иликтетип, күнөөлүү адамдарды аныктоо боюнча аракет көрө турганын белгиледи. (KCh)
