Министрликтин маалымат кызматынын кабарлашынча, бул ишти атайын оперативдүү топ тергөөгө алды. Кылмыш ишининин козголушуна митинг өткөрүп жаткандардан беш, ага каршы болгондордон үч адам өздөрүнүн жабыркагандыгы тууралуу арыз менен кайрылышы себеп болду. 14-апрелде Улуттук телерадиокомпаниясынын алдында чатак чыгып, ал Алатоо аянтында улантылган. Митингичилер чатак сырттан келген чагымчылардын айынан чыкты деп негиздешүүдө. Милицияга кечээ арыз берген үч адам митингичилерден катуу жабыркагандыгын билдиришүүдө.(BuS)
