Бушердеги атом станциясын куруп жаткан орусиялык “Атомстройэкспорт” компаниясынын өкүлү Ирина Иезипованын маалымдашынча, кечээ Москвада өткөн сүйлөшүүдөрдөн соң эки тарап Бушердеги курулуш үчүн төлөмдөрдү кечеңдетпөөнү убада кылынган протоколго кол койду. “Төлөмдөр менен байланыштуу проблемалардын баары жакын арада чечилмекчи” деди Иезипова. Кезектеги сүйлөшүүлөр май айында Тегеранда өтмөкчү. Ирандын расмий өкүлдөрү орусиялык компанияга акча убагында которулуп турганын билдирип келет.
