Дүйшөмбү күнү Конгресстин кош палатасындагы демократиялык көпчүлүк Ирактагы согушту каржылоо тууралуу мыйзам долбоорун жактырышты. Ага жараша, америкалык аскерлер Ирактан ушул жылдын 1-октябрынан тарта чыгарыла баштап, 2008-жылдын март айына чейин толугу менен чыгарылууга тийиш. Ушул жуманын аягына чейин мыйзам долбоору добуш берүүгө коюлат. Президент Жорж Буш бул мыйзамга вето коерун билдирип келет.
