Казакстандын жетекчиси Нурсултан Назарбаевди кыргыз президенти кечээ кечки саат ондордо «Манас» аба майданынан тосуп алды. Эки өлкө президенттери бүгүн эртең менен өкмөт үйүндө адегенде өздөрүнчө, андан кийин кеңири курамдагы делегациянын катышуусунда сүйлөшүүлөрдү жүргүзөт. Анын натыйжасында кыргыз-казак президенттеринин биргелешкен билдирүүсү кабыл алынып, эки тараптуу бир катар келишимдерге кол коюлушу күтүлүүдө. Нурсултан Назарбаев ошондой эле бүгүн Жогорку Кеңештин төрагасы Марат Султанов жана депутаттардын тобу менен да жолугушат. (SM)
