Мыйзам долбоорду “Мүмкүнчүлүгү чектелген жаштар кыймылы” коомдук бирикме даярап жатат. Ага ылайык жамааты элүү адамдан ашкан ишкана, мекемелерде жумушчулардын төрт пайызы майып адамдардан болушу жана мындай ишканаларга салык жактан жеңилдик берүү каралат. Аталган бирикменин башчысы Мирбек Асангариевдин билдиришинче, азыр мыйзамдын жумушчу варианты иштелип чыкты жана учурда долбоорду бейөкмөт, мамлекеттик уюмдар менен талкуулоо жүрүп жатат. (EBM)
