НАТО уюмунун баш катчысы Яап де Хооф Схеффер кечээ күнү Осло шаарында Украина тышкы иштер министри Арсений Яценюк менен жолукканда, Украинанын ички иштерине НАТО кийлигишпейт деп билдирди: "Евро-Атлантикалык уюмдарга канчалык ылдам жакындоо керек экенин Украина жана украина эли өзү чечүүгө тийиш. Бирок НАТО жана уюмга кирген мамлекеттер Украинага жардам берүүгө дайым даяр", - деди Яап де Хооф Схеффер. Европа Биримдигине төрагалык кылган Алмания дагы кечээ күнү Украина жетекчилигине кайрылып, өлкөдөгү кризистен чыгыш үчүн тараптарды сүйлөшүү өткөрүүгө чакырды.
