ТАЛЛИН. Эстониянын жетекчилиги советтик солдаттарга коюулган эстеликти мүрзөгө орнотуу иштеринин графигин жарыялап, нааразы болгондорду тынчытууга аракеттенип жатат. Эстеликти орнотуу иштери бүгүн башталмакчы. Колодон жасалган эстелик Таллиндин борборундагы аянттан жума күнү алынып ташталып, шаарда эки күнгө созулган баш аламандыктарга түрткү болгон. Тополоңдо бир киши курман болуп, 150 киши жаракат алды.
