Бул тууралуу Барскоон айылынан “Карек” өкмөттүк эмес уюмунун жетекчиси Эркингүл Имангожоева “Азаттыкка” билдирди. Анын айтымында, Кумтөр алтын кенине баруучу жол Тосор жана Барскоон айылдарынан тосулууда. “Учурда Барскоон айылынын четинде Кумтөргө баруучу жолдо 500дөй эл чогулуп, жолду тосуу менен жыйыналыш өткөрүүдө”, деп кабарлады Имангожоева. Ысыккөлдүн Жетиөгүз жана Тоң районунун тургундары Кумтөр кенинен казылган алтындын 50% Кыргызстанга калышын, Барскоон кырсыгынан жабыркаган элге толук жардам берүү талабы менен кенге баруучу жолду тосушаарын 3-майда жарыялашкан.(AiT)
