Талибандын өкүлүнүн билдиргенине караганда, мөөнөт Франциянын жаңы шайланган президенти Николя Саркози Талибандын Ооганстандан француз аскерлерин чыгаруу жөнүндөгү талабын караганга чейин өкмөт түзүүгө муктаж экендигине байланыштуу узартылууда. Ушуну менен Талибан франциялык гуманитардык уюмдун эки кызматкеринин бошотулушу үчүн белгиленген соңку мөөнөттү үчүнчү ирээт узартууда. Буга чейин алардын бирөөсү- аял кызматкер бошотулган болчу.
