Өлкөнүн ички иштер министрлиги маалымдагандай, Назарбаевдин улуу күйөө баласы Алиев банктын жетекчилерин уурдоого катышкан деген шек боюнча иликтөө иштери башталды. “Нурбанк” аттуу Казакстандык алдыңкы банктардын биринин эки жетекчиси жыл башында жоголуп кетип, алардын туугандары бул окуяны Рахат Алиев уюштурду, ал банкты өзүнө саткыла деп кыйнаган деп айтып беришкен. Бирок андан көп узабай Алиев Казакстандын Австриядагы элчиси болуп дайындалган эле.
