Бул маалыматты билим берүү министри Каныбек Осмоналиев президент Курманбек Бакиев менен бүгүнкү жолугушууда ачыктады. Министрдин мааылматы боюнча, быйылкы жылы жогорку окуу жайларга бюджеттик негизде 5 миң 707 студент кабыл алынат. Бул үчүн 33 миңден ашуун талапкер тестирлөө сынагына катышмакчы. Президент жолугушууда келерки жылы бюджеттик негизде кабыл алууну эки эсеге көтөрүүнү талап кылган. Ошондой эле жаңы окуу жылында башталгыч класттагы балдарга тамак уюштурууну жакшыртуу да тапшырган. Бул тууралуу президенттин маалымат кызматынан кабарлашты. (AiT)
