Ага Кыргызстандын өнүгүүсү үчүн колдоо көрсөтүп келе жаткан бардык эл аралык донор уюмдар менен өлкөлөрдүн өкүлдөрү катышмакчы. Жыйынга кыргыз тараптан премьер-министр Алмаз Атамбаев, донор уюмдар тарабынан Дүйнөлүк банктын Борбор Азия боюнча аймактык деректири Аннет Диксон төрагалык кылат. Форумда президент Курманбек Бакиев да сөз сүйлөмөкчү. Жыйында 2007-2010-жылдар үчүн өлкөнү өнүктүрүү стратегиясы тууралуу маалымат берилип, жакырчылыкты кыскартуу программасы, акыйкат башкаруу жана коррупцияга күрөшүү маселелери талкууга алынмакчы.(SM)
